Det er ikkje alltid like enkelt å pusse bestikk og smykke med mange delar og mykje mønster, for eksempel bunadssølv, med vanleg sølvpuss. Då er dette ein god metode å bruke.

1. Kle ein bolle med aluminiumsfolie.
2. Fyll med lunka vatn og ha i salt til løysinga er metta (det vil seie at det ikkje går an å løyse opp meir salt).
3. Legg smykka oppi og gløym dei nokre timar.
4. Ta dei ut, skyl dei godt og tørk med mjuk klut eller handkle.

Resultat: strålande blankt sølv!

Ikkje bruk denne metoden på smykke med steinar eller perler eller på oksiderte område (som faktisk skal vere "svarte"). Reint metall går heilt fint.

Aluminiumsfolien kan du sortere saman med glas og metall og levere inn på nærmaste returpunkt så bidrar du også til gjenvinning og gjenbruk.